ابوظہبی (مانیٹرنگ ڈیسک) ڈرون حملے کی وجہ سے متحدہ عرب امارات کے دارالحکومت ابوظہبی میں آگ لگنے کے دو واقعات میں تین افراد ہلاک اور چھ زخمی ہو گئے ہیں،
دوسری جانب یمن کے حوثی باغیوں نے دعویٰ کیا ہے کہ انہوںنے ڈرون حملہ کیا جس سے یہ تباہی ہوئی۔ اماراتی پولیس کے مطابق ابو ظہبی میں مصفح کے دو علاقوں میں اسٹوریج ایریا میں تین فیول ٹینکرز میں آگ لگی جبکہ ابو ظہبی انٹرنیشنل ائیرپورٹ کے نئے تعمیراتی ایریا میں بھی ایک مقام پر آگ لگنے کا واقعہ پیش آیا اور ان دونوں مقامات پر آگ پر قابو بھی پا لیا گیا ہے۔ ابتدائی تحقیقات میں پولیس کا یہ بھی کہنا ہے کہ ڈرونز کی وجہ سے ان دونوں مقامات پر آگ لگی یہ ڈرونز اس علاقے میں گرے جس کی وجہ سے آگ لگی۔ ہلاک ہونے والوں میں ایک پاکستانی اور دو بھارتی شامل ہیں جبکہ چھ افراد زخمی ہیں۔
