اسلام آباد(این این آئی)اسلام آباد ہائیکورٹ کی جانب سے نیول سیلنگ کلب کو غیرقانونی قرار دینے کے معاملے پر سی ڈی اے شعبہ بلڈنگ کنٹرول نے نیوی سیلیگ کلب کو نوٹس جاری کردیا۔ نوٹس میں کہاگیاکہ نیول سیلینگ کلب کی تعمیر میں سی ڈی اے زونگ ریگولیشنز کی خلاف ورزی کی گئی،روز تھری کا یہ علاقہ مارگلہ ہلز نیشنل پارک کا حصہ ہے، سی ڈی اے نے

اس زمین پر کلب کی تعمیر کی اجازت یا منظوری نہیں دی۔ نوٹس میں کہاگیاکہ غیرقانونی تعمیرات کی وجہ سے راول لیک آلودہ ہونے کا خدشہ ہے، اسلام آباد ہائیکورٹ نے تین ہفتوں میں تعمیرات کو گرانے کا حکم دیا، کلب انتظامیہ کو قیمتی اور ضروری سامان 72 گھنٹے میں ہٹانے کی مہلت دی گئی ،72 گھنٹے میں سامان نہ ہٹایا گیا تو سی ڈی اے آپریشن کرے گا۔