اسلام آباد(آن لائن)سپریم کورٹ میں آئین کے آرٹیکل 62 ون ایف کے تحت تاحیات نااہلی کا معاملہ، سپریم کورٹ بار ایسوسی ایشن نے تاحیات نااہلی کیخلاف درخواست تیار کر لی ہے ۔ درخواست جلد سپریم کورٹ میں دائر کی جائے گی،ڈرافٹ کے مطابق پٹیشن میں استدا کی گئی ہے کہ کسی بھی امیدوار کی نااہلی عدالت میں چیلنج کیے گئے الیکشن کی حد تک کی جائے، درخواست میں مزید کہا گیا ہے کہ از خود نوٹس اور سپریم کورٹ کے خصوصی اختیارات سے متعلق مقدمات میں

اپیل کا حق دیا جائے کسی امیدوار کو تاحیات نااہل قرار دینا بنیادی حقوق کی خلاف ورزی ہے،درخواست میں مزید کہا گیا ہے کہ سپریم کورٹ بلدیاتی انتخابات میں قرار دے چکی کہ منتخب نمائندگان کو عوام سے دور نہیں رکھا جاسکتا،غلطی کرنے والوں کو نظرثانی اور معافی کا حق نہ دینا اسلامی تعلیمات کے بھی خلاف ہے،موقف درخواست میں سابق وزیر اعظم نواز شریف اور عمران خان کے مقدمات کا حوالہ دیا گیا ہے سپریم کورٹ بار نے درخواست میں وفاقی حکومت کو فریق بنایا ہے