اسلام آباد (مانیٹرنگ ڈیسک )منگل کے روز ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہے گا۔ پنجاب، خیبرپختونخوا کےمیدانی علاقوں اوربالائی سندھ میں شدیددھند چھائے رہنے کی توقع ہے ۔رات کے دوران اسلام آباد اور خطۂ پوٹھوہار میں کہر پڑنے

کا امکان ہے ۔محکمہ موسمیات کے مطابق بدھ کے روز ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہے گا۔ پنجاب، خیبرپختونخوا کےمیدانی علاقوں اور بالائی سندھ میں شدیددھند چھائے رہنے کی توقع ہے ۔گذشتہ 24 گھنٹے کا موسم ملک کے بیشترعلاقوں میں موسم سرد اور خشک رہا۔ تاہم کوٹلی میں 04 اور گجرات میں 03 ملی میٹربارش ریکارڈ کی گئی ۔آج ریکارڈ کیےگئےکم سےکم درجہ حرارت: کالام منفی 14،زیارت ،لہہ منفی 13،استور منفی 12، گوپس منفی 10،قلات منفی 07،اسکردو منفی 06، مالم جبہ ،بگروٹ، دیر منفی 05، راولاکوٹ،ہنزہ منفی 04، شوپیاں، پلوامہ، بارہ مولہ ، دروش، کوئٹہ منفی 03،چترال، کاکول ،پاراچنار، مری منفی 02، سیدو شریف، میر کھانی ، گڑھی دوپٹہ، دالبندین اور اننت ناگ میں منفی 01 ڈگری سینٹی گریڈ ریکارڈ کیا گیا۔