اسلام آباد (این این آئی)برف میں پھنسے لوگ موبائل فون ، وٹس ایپ اور فیس بک کے ذریعے مدد کی اپیل کرتے رہے ۔ تفصیلات کیمطابق مری میں سیاحوں کی بڑی تعداد برف باری میں پھنس گئی اور گاڑیوں میں تقریباً 21افراد کی موت ہوگئی جن میں ایک ہی خاندان کے آٹھ افراد بھی شامل ہیں ۔ برف باری میں پھنسے سیاح اپنے عزیز و اقار اور دوستوں کو فون کال ،وٹس ایپ اور فیس بک کے ذریعے مدد کی اپیل کرتے رہے ۔ برف باری میں پھنسی گاڑیوں میں موجود لوگوں نے کہاکہ کسی بھی طرح حکومت تک ہمارا پیغام پہنچایا جائے، ہماری مدد کی جائے۔ عینی شاہدین کے مطابق صبح سویرے لوگ گاڑیوں کو دھکا دے کر راستے سے ہٹانے کی کوشش کرتے رہے۔

موضوعات:مدد کی اپیل