اسلام آباد (این این آئی)وزیراعظم عمران خان نے کہا ہے کہ لسٹڈ بزنسز کے منافع میں اضافہ ظاہر کرتا ہے کہ ہماری معیشت پھل پھول رہی ہے۔ٹوئٹر پر جاری بیان میں وزیراعظم عمران خان نے کہا کہ وبا کے باوجود مالی سال کے پہلے 9 ماہ میں لسٹڈ بزنسز کیسالانہ منافع میں 59 فیصد اضافہ ہوا ہے جو یہ ظاہرکرتاہے کہ ہماری معیشت ٹھوس اندازمیں

پھلنے پھولنے کے ساتھ نوکریوں کو جنم دے رہی ہے۔وزیراعظم نے کہا کہ امیدہے کہ کاروباری ادارے اور مالکان منافع میں اپنے ملازمین کو حصے دار بنائیں گے۔واضح رہے کہ ایک رپورٹ کے مطابق گزشتہ سال کے پہلے 9 ماہ میں پاکستان اسٹاک ایکسچینج نے 258 ارب روپے منافع کمایا جو 10 سال کے دوران سب سے زیادہ منافع قرار دیا گیا ہے۔

موضوعات:عمران خان