لاہور( این این آئی)نشتر کالونی میں تین ملزمان نے مبینہ طور پر خاتون کو زیادتی کا نشانہ بنا ڈالا ، ڈی آئی جی آپریشنز نے نوٹس لیتے ہوئے ملزمان کی جلد گرفتاری کے احکامات جاری کر دئیے۔ تفصیلات کے مطابق نشتر کالونی کے علاقے میں شہریار نامی ملزم نے لڑکی کو شادی کا جھانسہ دے کر اپنے پاس بلایا ۔ملزم شہریار اپنے ساتھیوں شہباز اور انیس کے ساتھ مل کر لڑکی کے ساتھ زیادتی کرتارہا ۔متاثرہ لڑکی نے اندراج مقدمہ کے لیے نشتر تھانے میں درخواست جمع کروا دی ہے ۔ڈی آئی جی آپریشنز میجر (ر)عابد خان نے واقعہ کا نوٹس لیتے ہوئے ایس پی ماڈل ٹائون کو ملزمان کی جلد گرفتاری کے احکامات جاری کر دئیے ہیں ۔