لاہور( این این آئی) مسلم لیگ (ن) کے سینئر نائب صدر و سابق وزیر اعظم شاہد خاقان عباسی نے کہا ہے کہاب عمران خان اپنا وقت پورا کرے یا نہ کرے پاکستان عمران خان کے ساتھ وقت پورا نہیں کر سکتا،پاکستان عمران خان کے بطور وزیراعظم رہنے کا ایک دن کا بھی متحمل نہیں ہو سکتا، فارن فنڈنگ کیس میں عمران خان نے ایک بینک اسٹیٹمنٹ یا ایک کمپنی کا کاغذ نہیں دیا،

جو کچھ عمران خان کے پاس ہے کیا انہوں نے اسٹیٹ بینک سے لیا یا امریکہ کی ڈیپارٹمنٹ آف جسٹس سے حاصل کیا ہے، ابھی بھی عمران خان کی فارن فنڈنگ کا معاملہ چھپایا جارہاہے۔ گفتگو کرتے ہوئے شاہد خاقان عباسی نے کہا کہ جو سامنے آیا ہے وہ فارن فنڈنگ کیس میں فیصلے کا چھوٹا سا عکس ہے ،2013ء سے اب تک معاملہ اربوں روپے تک جاتاہے، عمران خان اور تحریک انصاف نے ابھی تک کوئی ریکارڈ دیا اور نہ ہی وہ خود کو پابند سمجھتے ہیں،چوری کا سب سے بڑا ثبوت یہی ہے کہ آپ کوئی ثبوت ہی نہ دیں۔ انہوں نے کہا کہ عمران خان نے 22اکائونٹس میں سے 14بینک اکائونٹس چھپائے ہوئے ہیں، وزیراعظم کے آٹھ بینک اکائونٹس کا پتہ ہی نہیں ہے جس کے ریکارڈر ہی نہیں دے سکے، عمران خان نے فارن کمپنیاں بنائیں پیسے اکٹھے کئے اور غائب کر دئیے، ب عمران خان اپنا وقت پورا کرے یا نہ کرے پاکستان عمران خان کے ساتھ وقت پورا نہیں کر سکتا،پاکستان عمران خان کے بطور وزیراعظم رہنے کا ایک دن کا بھی متحمل نہیں ہو سکتا۔ اس سوال کہ بلاول زرداری نے ستائیس فروری کو حکومت کے خلاف اسلام آباد کی طرف لانگ مارچ نکالنے کااعلان کیا ہے کیا یہ پی ڈی ایم کی طرف واپسی ہے کا جواب دیتے ہوئے شاہد خاقان عباسی نے کہا کہ بلاول بھٹو کی اپنی مرضی ہے کہ وہ لانگ مارچ نکالیں لیکن ہم چاہتے تھے کہ اکٹھے احتجاج کرکے عوام سے اظہار یکجہتی کریں،

پی ڈی ایم نے 23مارچ کو لانگ مارچ رکھا ہے اسی روز لانگ مارچ کریں گے۔ انہوں نے کہا کہ فارن فنڈنگ کیس سے توجہ ہٹانے کیلئے مریم نواز کی آڈیو سامنے لائی گئی، آڈیو نجی گفتگو ہے اس پر تبصرے کی کوئی بات نہیں۔ انہوں نے کہا کہ نوازشریف پہلے بھی آئے تھے تو جیل گئے تھے وہ جیلوں سے نہیں گھبراتے، سب کو پتہ ہے نوازشریف کے خلاف کیسز پر کس طرح ججز کو دبائو میں لا کر دو فیصلے لئے گئے، جب بھی پاکستان میں انصاف کا نظام قائم ہوا نوازشریف کے خلاف فیصلے ایک دن کی مار ہیں۔