لاہور(این این آئی) مسلم لیگ( ن) کے رکن اسمبلی بلال یاسین پر قاتلانہ حملے کے کیس میں 5 مشتبہ افراد کو حراست میں لیا گیا۔ پولیس حکام کے مطابق حراست میں لئے گئے افراد سے تفتیش جاری ہے۔ پولیس نے اس سے قبل تین اسلحہ ڈیلرز کو بھی حراست میں لیا تھا۔ ملزمان کی جانب سے واردات میں استعمال ہونے والا پستول نیلا گنبد اسلحہ مارکیٹ سے خریدا گیا تھا۔پولیس کا کہنا ہے کہ مزید سی سی ٹی وی فوٹیجز کی مدد سے ملزمان کو بیک ٹریک کرنے کی کوشش کر رہے ہیں ۔ بلال یاسین پر حملہ کرنے والے ملزمان کے بہت قریب ہیں۔ جلد ہی مرکزی ملزمان کو گرفتار کرلیا جائے گا۔