نئی دہلی (این این آئی)پاکستانی آل رائونڈر شعیب ملک اوراْن کی اہلیہ، بھارتی ٹینس اسٹار ثانیہ مرزا کی وائرل ویڈیو پر سابق بھارتی کرکٹر یوراج سنگھ بھی تبصرہ کیے بغیر نہ رہ سکے۔حال ہی میں ثانیہ مرزا نے فوٹو اینڈ ویڈیو شیئر نگ ایپ انسٹاگرام پر ایک اور ویڈیو شیئر کی ہے۔

اس ویڈیو میں ثانیہ مرزا یہ بتاتے ہوئے نظر آرہی ہیں کہ ان کے شوہر نے ان کے بارے میں کہا کہ وہ بہت (Pretty) یعنی خوبصورت ہیں۔ویڈیو میں شعیب ملک جو کہ صوفے پر بیٹے نظر آرہے ہیں، ثانیہ مرزا کی یہ بات سن کر بہت عجیب سے تاثرات ظاہر کرتے ہیں جبکہ ثانیہ مرزا اپنی بات کی وضاحت کرتے ہوئیکہتی ہیں کہ’دراصل اْن کے شوہر نے کہا تھا کہ وہ انہیں بہت پریشان کرتی ہیں۔ ثانیہ مرزا نے اپنی اس وضاحت پر خود خوشی کا اظہار کیا۔اْنہوں نے مزید کہا کہ لیکن سب دیکھ سکتے ہیں کہ اْنہوں نے اپنے شوہر کی بات کو بہت مثبت انداز میں لیا ہے۔سابق بھارتی کرکٹر یوراج سنگھ نے اس ویڈیو پر تبصرہ کرتے ہوئے ثا نیہ مرزا کے بارے میں شعیب ملک کی رائے سے اتفاق کیا ہے جس پر ثانیہ مرزا نے یوراج سنگھ کو خاموش رہنے کو کہا ہے۔