لاہور(این این آئی)مسلم لیگ (ن) کے ڈپٹی جنرل سیکرٹری عطا اللہ تارڑ نے کہا ہے کہ حملہ آوروں نے برسٹ مارا جو چل نہیں سکا اور صرف چند گولیاں نکلیں۔ انہوں نے سماجی رابطے کی ویب سائٹ ٹوئٹر پر بتایا کہ میو ہسپتال میں بلال یاسین سے ملاقات ہوئی،ان کو دو گولیاں لگی ہیں جبکہ تیسری کا شبہ ہے،حملہ آوروں نے برسٹ مارا جو چل نہیں سکا اور صرف چند گولیاں نکلیں۔ ایک گولی پیٹ میں لگی اور دوسری ٹانگ کے اوپر والے حصے میں لگی۔انہوں نے کہا کہ بلال یاسین ہوش میں ہیں مگر شدید درد میں ہیں۔

موضوعات:عطا اللہ تارڑ