اسلام آباد (این این آئی)قومی ٹیم کے چیف سلیکٹر محمد وسیم نے کہا ہے کہ شعیب ملک، وہاب ریاض اور حفیظ سے متعلق اب تک کوئی فیصلہ نہیں کیا گیا ہے۔ایک انٹرویرومیں چیف سلیکٹر محمد وسیم نے بتایا کہ شعیب ملک، وہاب

ریاض اور محمد حفیظ سے متعلق جب بھی کوئی فیصلہ کیا جائے گا تو کھلاڑیوں کو بتاکر کیا جائے گا۔محمد وسیم نے کہاکہ ہماری ٹی 20 ٹیم بہتر ہے ، ون ڈے اور ٹیسٹ ٹیم کو بہتر کرنا ہے ، بیٹنگ اور فاسٹ بولنگ کا شعبہ اطمینان بخش ہے مگر اسپن ڈپارٹمنٹ پر کام کرنا ہے جس کے لیے ہمیں کوالٹی اسپنرز کی تلاش ہے۔انہوں نے کہا کہ کوشش کررہے ہیں کہ اے ٹیم کے دوروں کی تعداد بڑھائی جائے۔محمد وسیم نے امید ظاہر کی کہ نئے سال میں بھی پاکستان ٹیم اچھی کارکردگی کا سلسلہ جاری رکھے گی ، اگلے ٹی 20 ورلڈکپ میں آسٹریلیا کی کنڈیشن اور ضرورت کے مطابق فیصلہ کیے جائیں گے۔

موضوعات:چیف سلیکٹر