لاہور(این این آئی)پاکستان مسلم لیگ ن کے صدر شہباز شریف نے کہا ہے کہ پی ٹی آئی کا دورحکومت معیشت اورگورننس کے لحاظ سے بدترین رہا۔مسلم لیگ (ن )کے صدرشہبازشریف نے ٹوئٹ میں کہا کہ اقتصادی اور سیاسی استحکام براہ راست قومی سلامتی سے جڑا ہوتا ہے۔ انہوںنے کہاکہ پی ٹی آئی کا دور حکومت معیشت کو خراب کرنے اور گورننس کے لحاظ سے بدترین رہا ہے۔شہباز شریف نے کہا کہ شہری اپنے مستقبل کے بارے میں اتنے ناامید پہلے کبھی نہیں تھے،اس کے مضمرات براہ راست قومی سلامتی پر ہوئے ہیں۔

موضوعات:شہبازشریف