اسلام آباد(این این آئی)عمرفاروق نامی انتہائی مطلوب مجرم کا دفترخارجہ کے افسران اور سابق ڈی جی ایف آئی اے بشیر میمن سے رابطوں کا انکشاف ہوا ہے۔ میڈیا رپورٹ کے مطابق سوئٹزرلینڈ اور ناروے کو انتہائی مطلوب پاکستانی شہری کے دفترخارجہ اور سابق ڈی جی ایف آئی اے سے رابطوں کا انکشاف ہوا ہے، جب کہ انرجی اور آئی پی پی کے معاہدوں میں فراڈ کرنے والے افراد کی پشت پناہی میں سابق ڈی جی ایف آئی اے

اور فارن آفس کے دو افسران کو طلب کر لیا گیا ہے۔ایف آئی اے حکام کے مطابق ایف آئی اے لاہور نے سابق ڈی جی اور فارن آفس کے دو افسران کو ثمن بھجوا دیئے ہیں۔ حکام کا کہنا ہے کہ 2019 میں سابق ڈی جی ایف آئی اے بشیر میمن نے عمر فاروق کا نام انٹرپول کی انتہائی مطلوب مجرمان کی فہرست سے نکلوایا تھا، عمر فاروق نامی شخص نے سوئٹزلینڈ میں ایک بینک بنا کر مختلف ممالک کے افراد کو لوٹا تھا۔