ممبئی (آن لائن ) بھارتی کرکٹر ہربھجن نے کرکٹ کے تمام فارمیٹس سے ریٹائرمنٹ کا اعلان کردیا ۔ 41 سالہ کرکٹر نے ٹوئٹر پر پیغام جاری کرتے ہوئے کہا کہ تمام

اچھی چیزوں کا اختتام ہوتا ہے اور آج میں بھی اس کھیل کو الوداع کہہ رہا ہوں جس نے مجھے زندگی میں سب کچھ دیا ہے۔ہربھجن سنگھ نے لکھا کہ میں ہر اس شخص کا شکریہ ادا کرنا چاہتا ہوں جس نے ان 23 سالوں کے سفر کو یادگار اور خوبصورت بنایا۔واضح رہے کہ ہربھجن سنگھ گزشتہ 5 برس سے بھارتی ٹیم کا حصہ نہیں تھے، ہربھجن ٹیسٹ میں ہیٹ ٹرک کرنے والے پہلے بھارتی بولر ہیں۔ ہربھجن سنگھ نے 2001 میں بارڈر- گواسکر سیریز کے دوران ا?سٹریلیا کے خلاف سنسنی خیز بولنگ کرتے ہوئے محض 3 میچز میں 32 تاریخی وکٹیں حاصل کی تھیں۔یاد رہے کہ اس سے قبل بھارت کے جارحانہ بلے باز یووراج سنگھ نے بھی ریٹائرمنٹ کا اعلان کیا تھا لیکن بعدازاں انہوں نے ریٹائرمنٹ کا فیصلہ واپس لے لیا تھا۔