اسلام آباد (این این آئی) متحدہ عرب امارات نے پاکستان میں 15ملین ڈالرکی سرمایہ کاری کرنے کا اعلان کردیا ، سرمایہ کاری فیصل آباداقتصادی زون میں کی جائے گی۔تفصیلات کے مطابق مشیر تجارت عبدالرزاق داؤد نے سماجی رابطے کی ویب سائٹ ٹوئٹر پر اپنے بیان میں کہا کہ متحدہ عرب امارات فیصل آباداقتصادی زون میں 15ملین ڈالرکی سرمایہ کاری کرے گا، تین میں سے پہلے مرحلے میں ایروسول پروپیلنٹ گیس پلانٹ لگایاجائیگا۔عبدالرزاق داؤ کا کہنا تھا کہ مقامی مینوفیکچرنگ سے امپورٹڈ اے پی جی پر انحصار کم کرنے میں مدد ملے گی، غیر ملکی سرمایہ کاری ایک سازگار کاروباری ماحول کا ثبوت ہے، سرمایہ کاروں کوراغب کرنے کیلئے سرمایہ کاری بورڈکی کارکردگی بہترین ہے۔

موضوعات:متحدہ عرب امارات