سڈنی (آن لائن )آسٹریلیا کے شہر سڈنی میں سابق آسٹریلوی کرکٹر مائیکل سلیٹر کو گرفتار کر لیا گیا، آسٹریلوی میڈیا نے ان کی گرفتاری کی تصدیق کی ہے۔آسٹریلوی میڈیا کے مطابق پولیس نے 51 سالہ مائیکل سلیٹر کو سڈنی کے علاقے سے گرفتار کیا ہے۔آسٹریلوی میڈیا کا کہنا ہے کہ مائیکل سلیٹر کو

مبینہ طور پر تشدد میں گرفتاری کے احکامات کی خلاف ورزی پر گرفتار کیا گیا ہے۔آسٹریلوی میڈیا نے یہ بھی بتایا ہے کہ سابق کرکٹر مائیکل سلیٹر کو آج عدالت میں پیش کیا جائے گا۔واضح رہے کہ اس سے قبل مائیکل سلیٹر کو گھریلو تشدد کے واقعے پر رواں برس اکتوبر کے مہینے میں گرفتار کیا گیا تھا۔