لاہور (مانیٹرنگ ڈیسک)فضائی آلودگی میں آج بھی لاہور پہلے نمبر پر ہے جہاں تعلیمی اداروں میں ہفتے میں 3 تعطیلات کرنے سے بھی کوئی فرق نہیں پڑا۔ائیر کوالٹی انڈیکس کی آلودگی کے حوالے سے دنیا کے اہم شہروں کی درجہ بندی کی فہرست میں لاہور 236 پرٹیکیولیٹ میٹرز کے ساتھ پہلے نمبر پر ہے۔پاکستان میں 2 شہروں میں فضائی آلودگی لاہور سے بھی زیادہ ہے، گوجرانوالہ 282 پرٹیکیولیٹ میٹرز کے ساتھ پہلے اور بہاولپور207 پرٹیکیولیٹ میٹرز کے ساتھ
دوسرے نمبر پر ہے۔کراچی دنیا کے بڑے شہروں میں 28 نمبر پر ہے جس میں پرٹیکیولیٹ میٹر کی تعداد 114 ہے۔اس فہرست میں بھارتی شہر کولکتہ 226 پرٹیکیولیٹ میٹرز کے ساتھ دوسرے اور بنگلا دیش کا دارالحکومت ڈھاکا 207 پرٹیکیولیٹ میٹرز کے ساتھ تیسرے نمبر پر ہے۔ائیر کوالٹی انڈیکس کا کہنا ہے کہ 201 سے 300 درجے تک آلودگی انتہائی مضرِ صحت ہے جب کہ 301 سے زائد درجہ خطرناک آلودگی کو ظاہر کرتا ہے۔
