لاہور(این این آئی)پنجاب کے مختلف علاقوں میں شدید دھند کے باعث موٹروے کوکئی مقامات پرآمدورفت کے لئے بند رکھاگیا،حدنگاہ بہتر ہونے پر موٹروے کومرحلہ وارکھول دیا گیا۔تفصیلات کے مطابق شدید کی صورتحال کی وجہ سے موٹروے ایم تھری کولاہور سے سمندری تک بند رکھاگیا۔ موٹر وے ایم 11 کوبھی دھند کی وجہ سے حد نگاہ کم ہونے پر لاہور سے سیالکوٹ تک بندرہی

۔صبح کے وقت دھند کی صورتحال بہتر ہونے پر موٹروے کو مرحلہ وارکھولا گیا ۔ترجمان کے مطابق سفر کرنے والوںکی حفاظت کوپیش نظر رکھتے ہوئے موٹروے کو بند رکھاگیا ۔قومی شاہراہ کو استعمال کرنے والوں سے درخواست ہے کہ وہ آگے اور پیچھے دھند والی لائٹس کا استعمال کر یں،غیر ضروری سفر سے گریز کیا جائے ، تیز رفتاری سے پرہیز کر یں اور اگلی گاڑی سے مناسب فاصلہ رکھیں۔معلومات اور مدد کے لیے ہیلپ لائن 130 سے رابطہ کیاجائے ۔

موضوعات:موٹر وے