اسلام آباد(آن لائن)پاکستان اور سعودی عرب میں افرادی قوت کی بھرتی، ہنر کی تصدیق کا معاہدہ طے پا گیا۔ ترجمان دفتر خارجہ کی طرف سے جاری بیان کے مطابق پاکستان اور سعودی عرب نے دو معاہدوں پر دستخط کردئیے ہیں۔ وفاقی وزیر تعلیم شفقت محمود نے سعودی عرب میں معاہدوں پر دستخط کیے۔ترجمان دفتر خارجہ کے مطابق پاکستان سے مختلف شعبوں میں افرادی قوت کی برآمد میں مدد ملے گی۔سعودی عرب میں ملازمت کرنے والے پاکستانیوں کے حقوق کا تحفظ ممکن ہو سکے گا، ترجمان کا کہناہے کہ معاہدے تنازعات کے حل، کسی بھی خلاف ورزی پر قانونی چارہ جوئی میں مددگار ہوں گے۔سعودی عرب کو مصدقہ ہنر مند پاکستانی افرادی قوت کی برآمد میں اضافہ ہوگا۔