سیالکوٹ (این این آئی) سری لنکن منیجر پریانتھا کمارا قتل کیس میں پولیس نے انکشاف کیا ہے کہ ہجوم فیکٹری مالک شہباز بھٹی کو بھی مار رہا تھا۔سیالکوٹ پولیس نے بتایا کہ پولیس اہلکار فیکٹری میں داخل ہوئے تو اس وقت ہجوم فیکٹری مالک شہباز بھٹی پر مار رہا تھا۔سری لنکن منیجر پریانتھا کمارا قتل کیس کی تحقیقات کے حوالے سے پولیس نے بتایاکہ پریانتھا کمارا پر حملہ کرنے والے ہجوم کے پاس پیٹرول کی بوتلیں تھیں۔سیالکوٹ پولیس کے مطابق پریانتھا کمارا کو قتل کرنے کے بعد ملزمان نے منیجر کی گاڑی کو بھی نقصان پہنچایا۔سیالکوٹ پولیس کے مطابق مقتول منیجر کی میت باہر نکالنے کے بعد ملزمان نے فیکٹری کو آگ لگانے کی منصوبہ بندی کی تھی۔سیالکوٹ پولیس نے بتایا کہ ہجوم کی جانب سے پولیس پارٹی پر بھی پیٹرول پھینک کر آگ لگانے کی دھمکی دی گئی تھی۔

موضوعات:پریانتھا کمارا قتل کیس