اسلام آباد (نیوز ڈیسک) سیالکوٹ واقعہ میں سری لنکا کے شہری کے مارے جانے پر پاکستان مسلم لیگ (ن) کے رہنما خواجہ آصف نے اپنے ایک ٹوئٹر پیغام میں کہا ہے کہ

سری لنکا ہمیں بیس ہزار آنکھیں عطیہ کر چکا ہے لیکن ہم پھر بھی اندھے ہیں، دوسری جانب سری لنکن وزیراعظم مہندا راجا پاکسے نے سانحہ سیالکوٹ پر اپنے ردعمل کا اظہار کرتے ہوئے کہا ہے کہ یقین ہے عمران خان ذمہ اروں کوکٹہرے میں لائیں گے۔ سماجی رابطے کی ویب سائٹ ٹوئٹر پر جاری اپنے بیان میں سری لنکا کے وزیراعظم مہندا راجا پاکسے نے لکھا کہ سری لنکن منیجر کے پاکستان میں مارے جانے پر صدمے میں ہوں، میری ہمدردی سری لنکن منیجر کے اہلخانہ کیساتھ ہے۔وزیراعظم مہندا راجا پاکسے نے کہا کہ سری لنکا اور اس کے عوام کو وزیراعظم عمران پر یقین ہے، ہمیں پورا یقین ہے کہ عمران خان ذمے داروں کو کٹہرے میں لائیں گے۔