اسلام آباد (آن لائن) وفاقی حکومت نے اسلام آباد میں بلدیاتی انتخابات کیلئے آرڈیننس جاری کردیا۔اسلام آباد میں بلدیاتی انتخابات کیلئے پولنگ الیکٹرانک ووٹنگ مشین سے ہوگی۔ جاری آرڈیننس کے مطابق اسلام آباد کے بلدیاتی انتخابات میں آئی ووٹنگ بھی ہوگی۔ میئر اسلام آباد کی کابینہ 12 رکنی ہوگی۔ میئر اسلام آباد کا انتخاب براہ راست اور4سال کے لیے ہوگا۔ میونسپل کارپوریشن اسلام آباد کے ارکان کی تعداد 70 ہوگی۔ ترقیاتی کام، تعلیم، بنیادی صحت، پبلک ٹرانسپورٹ ایم سی آئی کے حوالے کیے گئے ہیں ۔ پارکس، واٹر سپلائی، صفائی کا نظام اور اسٹریٹ لائٹس بھی ایم سی آئی کے حوالے ہوں گے۔ ہر نیبرہڈ کونسل 20 ہزار آبادی پر مشتمل ہوگی۔ 10رکنی نیبرہڈ کونسل میں 5جنرل ممبر، ایک خاتون، ایک مذہبی رکن شامل ہوگا۔ نیبرہڈ کونسل میں خواتین کی 2، سینئر سٹیزن اور یوتھ کا ایک ایک نمائندہ ہوگا۔

موضوعات:الیکٹرانک ووٹنگ مشین