اسلام آباد(مانیٹرنگ ڈیسک) ڈیجٹیل میڈیا پروزیراعظم عمران خان کے ترجمان ڈاکٹر ارسلان خالد نے کہا ہے کہ موٹروے پر ٹول پلازہ فیس نواز شریف کے نجی کمپنی سے معاہدے کی وجہ سے بڑھ رہی ہے۔اینکر پرسن حامد میر نے سماجی
رابطے کی ویب سائٹ ٹویٹر پر تصویر پوسٹ کرتے ہوئے لکھا تھا کہ لاہور اسلام آباد موٹروے پر ٹول ٹیکس میں اندھا دھند اضافہ کیا جا رہا ہے ایک سال میں ایک سو روپے اور تین سال میں پانچ سو روپے سے بھی زیادہ اضافہ کیا گیا ہے ۔ جی ٹی روڑ ٹوٹ پھوٹ کا شکار ہے اس لیے لاہور اور اسلام آباد کے درمیان زمینی سفر موٹروے سے ہی ممکن ہے جو ہوائی سفر کے برابر ہے۔حامدمیر کے اس ٹویٹ کا جواب دیتے ہوئے ڈاکٹر ارسلان خالد نے جواب دیا کہ پچھلے 3 سال میں 118 ٹول پلازہ جو NHA کے پاس ہیں اس پر موجودہ حکومت نے ایک روپیہ بھی نہیں بڑھایا ۔ M2 کا معاہدہ نواز شریف نے ایک نجی کمپنی کے ساتھ کیا جس کے مطابق ہر سال ٹول ٹیکس میں 10% اضافہ ہوگا ۔کراچی حیدرآباد موٹروے کا معاہدہ بھی اس طرح سال کے لئے گیاہے۔
لاہور اسلام آباد موٹروے پر ٹول ٹیکس میں اندھا دھند اضافہ کیا جا رہا ہے ایک سال میں ایک سو روپے اور تین سال میں پانچ سو روپے سے بھی زیادہ اضافہ کیا گیا ہے ۔ جی ٹی روڑ ٹوٹ پھوٹ کا شکار ہے اس لیے لاہور اور اسلام آباد کے درمیان زمینی سفر موٹروے سے ہی ممکن ہے جو ہوائی سفر کے برابر ہے pic.twitter.com/Ppa0giPy4z
— Hamid Mir (@HamidMirPAK) November 19, 2021
