اتوار‬‮ ، 27 اپریل‬‮ 2025 

اسلام آباد تک جائیں گے، نااہلوں کوبھگا کر دم لیں گے، فضل الرحمان

datetime 13  ‬‮نومبر‬‮  2021
ہمارا واٹس ایپ چینل جوائن کریں

کراچی (مانیٹرنگ، آن لائن) اسلام آباد تک جائیں گے، نااہلوں کوبھگا کر دم لیں گے، یہ بات کراچی میں پاکستان ڈیموکریٹک موومنٹ کے سربراہ مولانا فضل الرحمان نے مہنگائی کے خلاف اپوزیشن کے احتجاجی شرکاء سے خطاب میں کہی ان کا کہنا تھا کہ حکمرانوں کو بحیرہ عرب میں غرق نہ کیا تو ملکی بقا خطرے میں ہوگی، اسلام آباد تک جائیں گے،

نااہلوں کو بھگا کر دم لیں گے۔ان کا کہنا تھا کہ حکومت کو بحیرہ عرب میں غرق نہیں کیا تو ملکی بقاء کا سوال بنے گا۔ دوسری جانب پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمن اور مسلم لیگ (ن) کے قائد میاں نواز شریف کے درمیان ٹیلی فونک رابطہ ہوا ہے،دونوں رہنماؤں نے ملک کی موجودہ سیاسی صورت حال پر تفصیلی تبادلہ خیال کیا۔ن لیگ کے ذرائع کا کہنا ہے کہ مولانا فضل الرحمن اور نواز شریف نے حکومت پر پارلیمنٹ کے اندر اور باہر مسلسل دباؤ بڑھانے پر اتفاق کیا جبکہ نواز شریف نے حکومت کو قومی اسمبلی کے حالیہ اجلاس میں قانون سازی کے دوران شکست دینے پر اپوزیشن جماعتوں کے اتحاد پر اظہار اطمینان کیا اور کہا کہ جعلی مینڈیٹ سے آنے والی حکومت کی بیساکھیاں ٹوٹ رہی ہیں،اب تو اتحادی بھی جان چھڑا رہے ہیں اور عوام کو بھی بڑھتی ہوئی مہنگائی میں پتہ چل گیا ہے کہ تبدیلی سرکار نے ان کے ساتھ کیا کیا۔مولانا فضل الرحمن کا کہنا تھا کہ اس حکومت کو مزید وقت دینا عوام اور ملک سے ظلم ہوگا اور جو اس وقت اس حکومت کے ساتھ دیں گے وہ بھی مجرم ہوں گے۔مولانا فضل الرحمن نے لاہور کے جلسے کو لانگ مارچ کی شکل دیکر اسلام آباد لانے سے متعلق بھی نواز شریف سے مشاورت کی جس پر نواز شریف نے یقین دلایا کہ پی ڈی ایم 15 نومبر کو لانگ مارچ بارے جو بھی فیصلہ کرے گی ن لیگ اس کا ساتھ دے گی،دونوں رہنماؤں نے پی ڈی ایم کے احتجاجی پلان کو بھی طے شدہ شیڈول کے مطابق آگے بڑھانے پر بھی اتفاق کیا۔

موضوعات:

آج کی سب سے زیادہ پڑھی جانے والی خبریں


کالم



قوم کو وژن چاہیے


بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…