لاہور(این این آئی) سابق وزیر اعظم و مسلم لیگ (ن) کے قائد محمد نوازشریف کی اپرمال پر واقع جائیداد کی نیلامی 19نومبر کو ہو گی،مختلف مقامات پر نیلامی کے اشتہارات بھی آویزاں کر دئیے گئے۔تفصیلات کے مطابق احتساب عدالت نمبر 3نے مسلم لیگ (ن) کے قائد نواز شریف کی لاہور کے علاقہ 135اپر مال پر موجود جائیداد کی نیلامی کا حکم دیا تھا جس کے لئے 19 نومبر کی تاریخ مقرر کی گئی ہے۔
اس سلسلہ میں اسسٹنٹ کمشنر کینٹ کی زیر صدارت اجلاس میں نواز شریف کی جائیداد کی نیلامی کے حوالے سے انتظامات کو مکمل کیا گیا۔بتایا گیا ہے کہ جائیداد کی نیلامی کے اشتہارت مختلف مقامات پر آویزاں کر دئیے گئے ہیں۔ مذکورہ پراپرٹی کو نواز شریف کے خلاف احتساب عدالت میں جاری کیس میں بحق سرکار ضبط کرنے کا حکم دیا گیا تھا اور اب جائیداد کی نیلامی کی جارہی ہے۔ دوسری جانب مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ سلیکٹڈحکومت نے ملک کو بحرانوں کی آماجگاہ بنا دیا، حکومت کی الٹی گنتی شروع ہو چکی ہے عوام نااہل حکومت سے نجات کی دن را ت دعا ئیں کر رہے ہیں،عمران خان چاہتے ہیں کہ انکے اقتدار میں ان کیخلاف کوئی آواز نہ اٹھا ئے۔ اپنے بیان میں انہوں نے کہاکہ حکمرانوں کی ناکام داخلہ و خارجہ پالیسیوں کی وجہ سے پاکستان دنیا بھر الگ تھلگ ہو رہا ہے ایک طرف بیرونی محاذ پر ناکامی ہی ناکامی اور دوسری طرف پاکستانی قوم کو مہنگائی بے روزگاری فحاشی و عریانی کی دلدل میں دھکیل کر حکمران طبقہ اپنی عیاشیوں میں مصروف اور قومی دولت اپنی شہہ خرچیوں پر اڑا رہے ہیں۔ انہو ں نے کہاکہ حکمرانوں کی نا اہلی نے ملک کی تعمیر و ترقی کو نقصان پہنچایا ہے جس کی بنا پر حکمرانوں کے کارکردگی کے بیانات بے معنی ہوچکے ہیں (ن)لیگ کے دور اقتدار کا ترقی کا سفر پاش پاش کرکے موجودہ حکمرانوں نے ملک دشمنی کی ہے۔
