ابو ظہبی (این این آئی)ورلڈکپ ٹی ٹوئنٹی میں پاکستان کی مسلسل فتوحات پر خوشی کااظہار کرتے ہوئے عماد وسیم نے کہاہے کہ پاکستان ورلڈکپ ٹرافی سے چند میچز دور ہے۔قومی کرکٹر عماد وسیم نے گزشتہ روز ٹوئٹر پر ٹیم کا گروپ فوٹو شیئر کیا۔عماد وسیم نے لکھا کہ ہم نے بحیثیت قوم اس جیت کا مزہ دوبارہ چکھنے کیلئے کافی انتظار کیا! ہمارا ساتھ دیتے رہیں!انہوں نے کہا کہ ہم ٹرافی سے صرف چند میچ دور ہیں، چلو ایسا کر دکھاتے ہیں پاکستانیو!۔خیال رہے کہ ٹی ٹوئنٹی ورلڈ کپ میں پاکستان نے پہلے بھارت کو 10 وکٹوں اور پھر نیوزی لینڈ اور افغانستان کو دلچسپ مقابلوں کے بعد پانچ وکٹ سے شکست دی۔