اسلام آباد (آن لائن) وزیراعظم عمران خان نے وزراء کو اپنے حلقوں میں مصنوعی مہنگائی پر نظر رکھنے کی ہدایت کرتے ہوئے کہا ہے کہ مصنوعی مہنگائی کرنیوالوں
اور ذخیرہ اندوزوں کے خلاف سخت ایکشن کارروائی کی جائے۔ وزیر اعظم کی زیر صدارت مہنگائی اور معاشی صورتحال پر اجلاس منعقد ہوا۔ ذرائع کے مطابقوزیراعظم کو ملک میں مہنگائی کی صورتحال پر بریفنگ دی گئی۔ ذرائع کا کہنا ہے کہ اجلاس میں پٹرولیم مصنوعات کی قیمتوں میں اضافے کے اثرات پر گفتگو کی گئی۔ اجلاس میں اشیائے خوردونوش کی قیمتوں پر ٹیکسز کم کرنے کا فیصلہ کیا گیا۔ ذرائع کا کہنا ہے کہ وزیراعظم نے وفاقی وزرا کو پرائس کنٹرول کمیٹیوں پر عملدرآمد کے لیے اقدامات کی ہدایت کی، ذرائع کا کہنا ہے وزیراعظم نے ہدایت کی کہ وزراء اپنے حلقوں میں مصنوعی مہنگائی پر نظر رکھیں۔ ذرائع کا کہنا ہے وزیراعظم نے کہا کہ مصنوعی مہنگائی کرنے والوں کے خلاف سخت اقدامات کیے جائیں۔ ذخیرہ اندوزوں کے خلاف بھی سخت ایکشن لیے جائیں۔
