اسلام آباد (این این آئی)انٹرنیشنل ائیرپورٹ پر ایئرپورٹ سیکیورٹی فورس (اے ایس ایف) اہلکار کی فائرنگ سے ایک شخص زخمی ہوگیا۔ذرائع کے مطابق اسلام آباد انٹرنیشنل ائیرپورٹ انٹری گیٹ پر سیکیورٹی اہلکار نے موٹرسائیکل سوار شخص کو مشکوک جان کر روکنے کی کوشش تاہم اشارے کے باوجود موٹرسائیکل
سوار نہ رکا تو اے ایس ایف اہلکار نے اس پر فائرنگ کردی۔گولیاں لگنے سے ایک شخص زخمی ہوگیا،جسے ہسپتال منتقل کردیا گیا جہاں اسے طبی امداد دی جارہی ہے۔ واقعہ کی اطلاع ملتے ہی سیکیورٹی الرٹ کردی گئی اور جائے وقوعہ پر سیکیورٹی اہلکاروں کی بھاری نفری پہنچ گئی، حکام نے واقعہ کی انکوائری شروع کردی ہے۔
