اسلام آباد (مانیٹرنگ ڈیسک )امریکی فوجی کے انخلاء کے بعد طالبان قیادت بانی امیر ملا عمر کی قبر پر حاضری ۔ تفصیلات کے مطابق امریکی فوج کے افغانستان سے انخلا کے بعد طالبان کی اعلیٰ قیادت نے بانی امیر ملاعمر کی قبر پر حاضری دی۔نجی ٹی وی کے مطابق سوشل میڈیا پر تصاویر زیر گردش ہیں جن کے حوالے سے کہا جارہا ہے کہ یہ تصاویر افغان صوبے زابل کی ہیں جہاں اعلیٰ طالبان قیادت ملا عمر کی قبر پر حاضری دینے جارہی ہے۔رپورٹس میں دعویٰ کیا گیا ہے کہ قافلے کی قیادت طالبان کے موجودہ امیر ملا ہیبت اللہ اخوندزادہ نے کی۔طالبان قیادت نے سابق امیر کی قبر پر فاتحہ خوانی بھی کی۔