ریاض(این این آئی) سعودی شہزادی جواہر بنت عبد العزیز بن عبد اللہ جلوی دار فانی سے کوچ کرگئیں۔عرب میڈیا کی رپورٹ کے مطابق سعودی شاہی خاندان کی اہم شخصیت جواہر بنت عبد العزیز بن عبد اللہ جلوی کا رضائے الہی سے انتقال ہوگیا ہے۔سعودی ایوان شاہی نے اعلان کیا کہ شہزادی جواہر بنت عبد العزیز بن عبد اللہ جلوی انتقال کرگئیں۔ایوان شاہی نے انتقال پر گہرے دکھ وافسوس کا اظہار کرتے ہوئے بتایا کہ متوفیہ کی نماز جنازہ بعد نماز عصر ریاض کی مسجد امام ترکی بن عبد اللہ میں ادا کی گئی۔سعودی شاہی ایوان نے متوفیہ کی بلندی درجات اور جنت کے اعلی مقام کی دعا کی۔