نئی دہلی ( آن لائن ) شادی میں شرکت نہ کرنے پر دلہن نے مہمان سے 40 ہزار روپے کا بل ادا کرنے کا مطالبہ کردیا۔ بھارتی میڈیا کے مطابق شادی میں شرکت نہ کرنے

پر دلہن نے مہمان کو تقریباً 40 ہزار روپے کا بل بھیجا ہے جس کی تصویر سوشل میڈیا پر وائرل ہورہی ہے ، جس کو ’نو کال ، نو شو گیسٹ‘ کا عنوان دیا گیا ہے۔میڈیارپورٹس کے مطابق دلہن کی طرف سے بھیجے گئے بل میں تحریر کیا گیا ہے کہ شادی کے لیے بک کروائی گئی ایک نشست کی قیمت 120 ڈالر ہے اور آپ کے لیے 2 نشستیں بک کرائی گئی تھیں لیکن آپ نے شادی میں شرکت نہیں کی اور ہمیں اپنی عدم شرکت کے حوالے سے پیشگی آگاہ بھی نہیں کیا ، اس لیے آپ کی ہوٹل میں جو نشستیں بک کرائی گئی تھیں اس کا بل ادا کریں۔دلہن کی جانب سے مہمان کو مخاطب کرتے ہوئے کہا گیا ہے کہ آپ ’پے پال‘ کے ذریعے رقم کی ادائیگی کر سکتے ہیں یا براہ کرم ہم سے رابطہ کریں اور ہمیں بتائیں کہ ادائیگی کا کون سا طریقہ آپ کے لئے مناسب رہے گا ، شکریہ!۔