راولپنڈی (این این آئی)آرمی چیف جنرل قمر جاوید باجوہ سے امریکی ناظم الامور نے جی ایچ کیو میں ملاقات کی جس میں باہمی دلچسپی علاقائی سکیورٹی اور افغانستان

کی تازہ ترین صورتحال پر تبادلہ خیال کیا گیا ۔ جمعہ کو آئی ایس پی آر کے مطابق آرمی چیف جنرل قمر جاوید باجوہ سے امریکی ناظم الامور انجیلا ایگلیر نے ملاقات کی اس موقع پر باہمی دلچسپی علاقائی سکیورٹی اور افغانستان کی تازہ ترین صورتحال پر تبادلہ خیال کیا گیا اس موقع پر آرمی چیف نے کہا کہ پاکستان کا افغانستان میں کوئی فریق پسندیدہ نہیں، افغانستان میں پائیدار امن استحکام اور ترقی بنیادی مقصد ہیں ۔آرمی چیف نے دہشت گردی اور انتہا پسندی کے مکمل خاتمے کے عزم کا اعادہ کیا۔امریکی ناظم الامور نے دہشت گردی اور انتہا پسندی کے مکمل خاتمے کے عزم کا اعادہ کیا ، خطے میں امن واستحکام کے لیے پاکستان کی کوششون کو سراہا اور کابل سے انخلا کے آپریشن کے لیے تعاون کے لیے آرمی چیف کا شکریہ ادا کیا۔

موضوعات:آرمی چیف قمر جاوید باجوہ