اسلام آباد(مانیٹرنگ ڈیسک ) جنرل مکینزی نے کہا کہ یہ بہت مشکل دن تھا۔ کابل ایئر پورٹ کے گیٹ کے قریب دو دھماکے ہوئے جس کے بعد فائرنگ کی گئی۔

تفصیلات کے مطابق امریکی سینٹ کام کے سربراہ جنرل فرینک مکینزی نے کہا ہے کہ کابل ائیر پورٹ دھماکو میں 13امریکی فوجی ہلاک جبکہ 15سے زائد زخمی ہوئے ہیں ، اس وقت ایک ہزار فوجی افغانستان میں موجود ہیں ، طالبان ہماری سیکیورٹی کو یقینی بنائے ۔ دوسری جانب نیٹو کے سفارت کار نے افغانستان کا کنٹرول سنبھالنے والے طالبان کے رہنماوں سے مطالبہ کیا ہے کہ وہ کابل میں داعش کے نیٹ ورک کی تحقیقات کریں۔میڈیارپورٹس کے مطابق یہ مطالبہ نیٹو کے سفارت کار کی جانب سے گزشتہ روز دہشت گردوں کی جانب سے افغانستان کے دارالحکومت کابل کے ایئر پورٹ پر کیئے گئے 3 دھماکوں کے بعد سامنے آیا ۔نیٹو سفارت کار کا یہ بھی کہنا تھاکہ طالبان نے گزشتہ ہفتوں میں جیلوں میں قید ہزاروں قیدیوں کو رہا کیا ہے، سیکیورٹی اب طالبان کی ذمے داری ہے۔واضح رہے کہ پڑوسی ملک افغانستان کے دارالحکومت کابل کے ایئر پورٹ پر گزشتہ روز ہوئے 3 دھماکوں میں ہلاک ہونے والے افراد کی تعداد 90 ہو چکی ہے، جبکہ واقعے میں 150 سے زائد افراد زخمی ہوئے ہیں۔