لاہور(این این آئی)جہانگیرترین گروپ کے رکن پنجاب اسمبلی خرم لغاری کے خلاف مقدمہ درج کر لیا گیا۔ تھانہ ڈیفنس اے میں مقدمہ خاتون آمنہ یعقوب نے درج کرایا۔خاتون نے الزام عائد کیا کہ رکن اسمبلی خود کو کنوارہ ظاہر کر کے ناجائز تعلقات پر مجبور کرتارہا ایک سال سے چھپ چھپ کر ملنے پر مجبور کرتا رہا۔متاثرہ خاتون کے مطابق خرم لغاری نے زبردستی نکاح نامے پر بھی دستخط کرا رکھے ہیں جبکہ رکن اسمبلی کے والد چنوں خان لغاری کو بھی شکایت کی جس کی وجہ سے میرے گھر میں گھس کر فائرنگ کی گئی۔مقدمہ میںگھر میں گھسنے ،ہوائی فائرنگ اور جان سے مارنے کی دھمکیاں دینے کی دفعات شامل ہیں۔پولیس کا کہنا ہے کہ مقدمہ درج ہے اور تفتیش انویسٹی گیشن ونگ کرے گا۔ رکن اسمبلی خرم سہیل لغاری کاتعلق تحصیل جتوئی ضلع مظفرگڑھ سے ہے ۔

موضوعات:خرم لغاری