مظفر آباد، اسلام آباد (این این آئی)پاکستان تحریک انصاف کے مرکزی رہنما بیرسٹر سلطان محمود چوہدری آزاد کشمیر کے 28ویں صدر منتخب ہوگئے ، پی ٹی آئی امیدوار بیرسٹر سلطان محمود کو 34 ووٹ ملے۔منگل کو آزادکشمیر قانون سازاسمبلی کا اجلاس ہوا ، جس میں نئے صدر
کے انتخاب کیلئے پولنگ ہوئی ، تمام موجود 51 اراکین اسمبلی نے ووٹ پول کئے ، صرف ایک رکن شاہ غلام قادرایوان میں موجودنہیں تھے پی ٹی آئی امیدواربیرسٹر سلطان محمود کو34 ووٹ ملے جبکہ متحدہ اپوزیشن کیامیدوار میاں عبدالوحید نیووٹ 16حاصل کئے اور اس طرح بیرسٹر سلطان محمود چوہدری آزاد کشمیر کے 28ویں صدر منتخب ہوگئے،خیال رہے صدر آزاد کشمیر سردار مسعود خان کی آئینی مدت 24اگست کوختم ہوگی ، صدر کے انتخاب کیلئے چیف الیکشن کمشنر نے آراوکے فرائض سرانجام دیئے ، 13ویں آئینی ترمیم کے بعدصدر کے انتخاب میں اراکین کشمیر کونسل ووٹ نہیں دے سکتے۔دوسری جانب اسپیکر اور ڈپٹی اسپیکر قومی اسمبلی نے بیرسٹر سلطان محمود چوہدری کو آزاد کشمیر کا صدر منتخب ہونے پر مبارکباد دی ۔اپنے مشترکہ بیان میں انہوں نے کہاکہ بیرسٹر سلطان کا بطور صدر انتخاب ان کی صلاحیتوں پر قیادت اور اراکین قانون ساز اسمبلی کے اعتماد کا مظہر ہے۔
انہوں نے کہاکہ بیرسٹر سلطان محمود چوہدری کی قیادت میں مقبوضہ کشمیر کے عوام پر ہونے والے مظالم کو عالمی سطح پر موثر انداز میں اجاگر کیا جائے گا۔ اسد قیصر نے کہ کہا بیرسٹر سلطان محمود چوہدری ایک تجربہ کار اور مدبر سیاسی رہنما ہیں ان کی قیادت میں ریاست آزاد جموں وکشمیر ترقی کی راہ پر گامزن ہوگی۔
