مدینہ منورہ ٗ مکہ مکرمہ(این این آئی)نئے اسلامی سال 1443ھ کے پہلے جمع المبارک کے موقع پر ہزاروں فرزندان توحید نے مسجد نبویۖ میں نئے ہجری سال کی پہلی نماز جمعہ ادا کی۔نئے اسلامی سال کی پہلی نماز جمعہ کے موقع پر مسجد نبویۖ نمازیوں سے بھری ہوئی تھی۔ مسجد کے صحن اور اس کی گیلریوں میں بھی نمازی موجود تھے جن کے چہروں سے طمانیت، سکون، امن، راحت اور

خشوع نمایاں دکھائی دے رہا تھا۔میڈیارپورٹس کے مطابق اس موقع پر انتظامیہ کی طرف سے نمازیوں سے کہا گیا تھا کہ وہ وبا کے خطرے کے پیش نظر صحت کے کرونا سے بچا کے پروٹوکول پر عمل درآمد کو یقینی بنائیں اور نماز کے دوران سماجی فاصلہ برقرار رکھیں۔اسلامی سال کے پہلے جمعہ کے موقع پر نمازیوں نے عالم اسلام کی فلاح بہبود اور دنیا کو کرونا جیسی وبا سے نجات کی دعائیں کیں۔انتظامیہ کی طرف سے مسجد نبویۖ میں نمازیوں کی زیادہ تعداد کی آمد کے پیش نظر صحت کے حوالے سے ضروری اقدامات کر رکھے تھے۔دوسری جانب مسجد نبویۖ کے صحن کے جنوب مغربی کونے میں واقع زمزم فراہمی کا نیا منصوبہ تیار کیا گیا ہے۔ مسجد نبویۖ میں پانی کی فراہمی صدارت عامہ برائے امور حرمین الشریفین کے منصوبوں میں سے ایک ہے۔ اس منصوبے کا مقصد مسجد نبویۖ میں آنے والے اللہ کے مہمانوں اور اہل مدینہ منورہ کی زمزم پینے کی خواہش پر عمل درآمد کرنا ہے۔پراجیکٹ کا رقبہ تقریبا 330 میٹر ہے اور اس میں سٹین لیس سٹیل کے تین ٹینک نصب ہیں، جن کی کل گنجائش 290 میٹر، 2 پریشر ٹینک، 3 واٹر فیڈنگ پمپ، 2 سٹین لیس سٹیل فلٹر ، دو سٹرلائزر ، دو 350 طول پائپ لانیں نصب ہیں۔محکمہ فراہمی آب نے مسجد نبویۖ میں زمزم کے حصول کے لیے ایک آن لائن پورٹل بھی متعارف کرایا ہے جس میں زم زم کے حصول کے اوقات، طریقہ کاور اس حوالے سے ضروری ہدایات بیان کی گئی ہیں۔

موضوعات:نماز جمعہ