اسلام آباد (این این آئی)نیشنل کمانڈ اینڈ آپریشن سینٹر کے قیام کے 500 دن مکمل ہوگئے ،این سی او سی نے قوم کی جانب سے کورونا کے خلاف مظاہرہ کرنے پر
خراج تحسین پیش کرتے ہوئے یونیفائڈ انڈیور کے نام سے ڈاکمنٹری جاری کر دی،ڈاکومنٹری قوم کے کورونا کے خلاف مظاہرے پر مبنی ہے۔ وفاقی وزیر اسد عمر نے کہاکہ این سی او ای کی تشکیل کے 500 دن مکمل ہو گئے، اس موقع پر بنائی جانے والی دستاویزی فلم جاری کی گئی ہے جس میں وہ تمام پہلو جن پر کام کر کے پاکستانی قوم نے کرونا کا مقابلہ کیا اور دنیا سے پزیرائی حاصل کی، اجاگر کئے گئے ہیں ۔دوسری جانب صدر مملکت ڈاکٹر عارف علوی نے کہا ہے کہ این سی او سی کے کام اور ادارے کی تعریف کرنی چاہیے۔ اپنے بیان میں انہوںنے کہاکہ این سی او سی کے کام اور ادارے کی تعریف کرنی چاہیے۔ انہوںے کہاکہ وزیرِ اعظم کے قائم کردہ منفرد پلیٹ فارم نے یہ یقینی بنانے کی بہترین کوشش کی کہ غریب کو مکمل لاک ڈاؤن کا سامنا نہ کرنا پڑے،اِس نے حیرت انگیز کام کیا اورثابت کیا کہ اسمارٹ پلاننگ میں پاکستان دیگر اقوام کے ساتھ صف اول میں کھڑا ہے۔
