اسلام آباد (این این آئی)پاکستان اولمپک ایسوسی ایشن (پی او اے) کے صدر لیفٹیننٹ جنرل ریٹائرڈ سید عارف حسن نے تسلیم کیا ہے کہ ملک میں ٹیلنٹ نکھارنے کا کوئی سسٹم نہیں ہے۔17 سال سے پی او اے کے عہدہ صدارت پر براجمان لیفٹیننٹ جنرل ریٹائرڈ سید عارف حسن نے ایک انٹرویومیں کہا کہ ملک میں ٹیلنٹ نکھارنے کا کوئی سسٹم نہیں یہ ماننے والی بات ہے، گراس روٹ سیایلیٹ ٹریننگ لیول تک توجہ دینے کی ضرورت ہے۔عارف حسن نے کہا کہ 1992کے بعد سے کوئی میڈل پاکستان نہیں آیا، ملک بھر سے صرف 2 کھیلوں میں کھلاڑیوں نے کوالیفائی کیا۔صدر پی او اے نے کہا کہ ارشدندیم کی بہت اچھی پرفارمنس رہی ہے،طلحہ طالب کا علم تھا کہ وہ بہت اچھا ویٹ لفٹر ہے، دونوں پر یقین تھا کہ یہ اولمپکس میں اچھی پوزیشن پرآئیں گے۔