راولپنڈی(آن لائن)شمالی وزیرستان میں پاک افغان سرحد پار سے دہشتگردوں نے ایک پاکستانی فوجی چوکی پر حملہ کیا،فائرنگ کے تبادلے میں پاک فوج کا ایک جوان زخمی ہوگیا۔آئی ایس پی آر کے مطابق بین الاقوامی سرحد پر افغانستان کے اندر سے دہشتگردوں نے دیواگر میں ایک پاکستانی فوجی چوکی پرفائرنگ کی،پاک فوج کے جوانوں نے فائرنگ کا بھرپور انداز میں جواب دیا،فائرنگ کے تبادلے میں پاک فوج کا ایک جوان زخمی ہوگیا۔آئی ایس پی آر کے مطابق پاکستان مسلسل افغانستان مؤثر بارڈر منیجمنٹ کو یقینی بنانے کی درخواست کرتا رہا ہے۔پاکستان افغان سرزمین کو پاکستان کے خلاف دہشتگردانہ سرگرمیوں کیلئے استعمال ہونے کی شدید مذمت کرتا ہے۔