مکوآنہ (این این آئی ) شہری کی ٹانگوں سے خوفناک سانپ لپٹ گیا جس کی فوٹیج منظر عام پر آ گئیں ۔تفصیلات کے مطابق مذکورہ واقعہ جڑانوالہ میں پیش آیا جہاں ایک شہری کی ٹانگوں سے سانپ لپٹ گیاسوشل میڈیا کے مختلف پلیٹ فارمز پر شہری کی ٹانگوں سے سانپ لپٹنے کی یہ ویڈیو وائرل ہورہی ہے جس میں ایک لمبا سانپ شہری کی ٹانگوں سے لپٹا ہوا ہے۔ ویڈیو میں دیکھا جاسکتا ہیکہ اچانک ایک بڑا سا سانپ ان کی ٹانگوں سے لپٹ گیا تاہم شہری نے گھبرانے کے بجائے سانپ کا منہ ہاتھوں سے دبوچ لیا۔ جسے اس نے دوسرے شخص کی مدد سے ہٹا کر مارڈالا۔شہری نے سانپ کی گردن مروڑتے ہوئے اسے مارنے کی کوشش کی لیکن کوشش ناکام ہونے پر اسے زمین پر پھینک کر ڈنڈوں سے مار دیا۔