تہران(این این آئی )ھر امریکا نے ایران کے نئے صدر سے جوہری مذاکرات دوبارہ جلد شروع کرنے کو کہا ہے۔میڈیاپورٹس کے مطابق امریکی وزارت خارجہ کے ترجمان نیڈ پرائس نے صحافیوں سے بات چیت میں کہاکہ ہم ایران پر زور دیتے ہیں کہ وہ جلد از جلد مذاکرات پر واپس آئیں تاکہ ہم اپنا کام جلد مکمل کر سکیں۔ ان کا مزید کہنا تھا کہ صدر رئیسی کے لیے بھی ہمارا وہی پیغام ہے جو ان کے پیشروں کے لیے ہوتا تھا۔ امریکا اپنی قومی سلامتی اور اپنے اتحادیوں کے مفادات کا دفاع کرے گا۔ ہم امید کرتے ہیں کہ ایران اس موقع سے فائدہ اٹھا کر سفارتی سطح پر معاملات کو حل کرنے کے لیے آگے بڑھے گا۔ امریکی وزارت خارجہ کے ترجمان نے تاہم کہا کہ بات چیت کا یہ عمل غیر معینہ مدت تک نہیں چل سکتا۔