کراچی ( آن لائن )پاکستان کے مقبول اداکارفیصل قریشی نے انڈسٹری میں رنگت اور انسٹاگرام فالوورز کی بنیاد پر اداکاروں کو منتخب کرنے کے طریقہ کار پر برہمی کا اظہار کیا ہے۔اداکار فیصل قریشی حال ہی میں ایک نجی ویب چینل کے شو میں جلوہ گر ہوئے اور دوران شوفیصل قریشی نے میزبان کے سوالوں کا جواب دیتے ہوئے مختلف موضوعات پر گفتگو کی۔
فیصل قریشی کا کہنا تھا کہ ہمیں پاکستان شوبز انڈسٹری کو پروان چڑھانے کے لیے اچھے اداکاروں کی ضرورت ہے، میں بہت ساری جگہوں پر بہت سارے اداکاروں کے نخرے دیکھتا ہوں صرف اس لیے کہ ان اداکاروں کے کئی ملین فالوورز ہیں لیکن اس کا مطلب یہ نہیں ہے کہ باقی سارے اداکار بے کار ہیں۔ انڈسٹری میں چہروں ، رنگ اور انسٹاگرام فالوورز دیکھ کر کاسٹ کیے جانے والے اداکاروں کو دیکھ کر تکلیف ہوتی ہیفیصل قریشی کا کہنا تھا کہ’ میں یہ کہناچاہوں گا کہ جو اچھیاداکار ہیں وہ درحقیقت ضائع ہو رہے ہیں، کیوں کہ جب انڈسٹری میں ایسے بہت سے اداکاروں کو دیکھتاہوں جنہیں ان کے چہروں، رنگ اور انسٹاگرام فالوورز دیکھ کر منتخب کیا جاتا ہے تو بہت تکلیف ہوتی ہے کیوں کہ یہ اداکار ایسے بہت سے دوسرے اداکاروں کو ضائع کر رہے ہیں جو کہ دراصل بہترین اداکار ہیں، ان میں خواتین اور مرد فنکار دونوں ہی شامل ہیں۔ دوسری جانب شوبز شخصیات نے ٹی وی کی سینئر اداکار ہ نائلہ جعفری کے انتقال پر تعزیت کا اظہارکرتے ہوئے کہاہے کہ ڈرامہ انڈسٹری ایک باصلاحیت اداکارہ سے محروم ہو گئی۔ سینئر اداکار عدنان جیلانی،کامران جیلانی،عدنان صدیقی،بہروزسبزواری،جاوید شیخ،ہمایوں سعید،احسن خان، عمران اشرف،اسلم شیخ،شہزادرضا،ماریہ واسطی،سجل علی،مہوش حیات،بشریٰ انصاری سمیت
دیگر نے نائلہ جعفری کے انتقال پر گہرے رنج و غم کااظہارکرتے ہوئے کہا ہے کہ ان کے انتقال سے ڈرامہ انڈسٹری کو نا قابل تلافی نقصان پہنچا ہے، انہوں نے اپنے کیرئیر میں شاندار کردار نبھائے جو مدتوں لوگوں کے ذہنوں پر نقش رہیں گے۔اللہ تعالیٰ مرحومہ کو جنت الفردوس میں جگہ اور اہل خانہ کو صبر جمیل دے۔
