کراچی(این این آئی)آئندہ مالی سال 2021-22 کا بجٹ بھی کورونا سے متاثر ہونے کا امکان ہے۔میڈیا رپورٹ کے مطابق مالی 2021-22 کے بجٹ کے لیے سندھ حکومت کی ترجیحات کا تعین آخری مراحل میں داخل ہوگیا، کورونا کے تناظر میں 25 ارب روپے کے ترقیاتی و غیر

ترقیاتی مصارف کا تخمینہ لگایا گیا ہے۔ذرائع کے مطابق بجٹ میں کاروباری سرگرمیوں کی بحالی کے لیے خطیر رقم، اسکیمز بھی شامل ہوں گی۔کورونا ویکسینیشن پروگرام، سینٹرز کے قیام پر اخراجات ہوں گے، ڈویڑنل انفیکشن ڈیزیز اسپتالوں کا قیام، کورونا ٹیسٹنگ پر رقم خرچ کی جائے گی۔ذرائع کے مطابق بجٹ میں عارضی ہیلتھ کیئر اسٹاف کی بھرتی اور مشینری پر بھی اخراجات ہوں گے، کورونا متاثر افراد کی صحت، وارڈز، سماجی و معاشی بحالی پر بھی 5 ارب سے زائد کا تخمینہ لگایا گیا ہے۔مالی سال 2021-22 کے بجٹ کے لیے میزانیہ جون کے دوسرے ہفتے میں پیش کیا جائے گا۔