اسلام آباد (مانیٹرنگ ڈیسک/این این آئی )وفاقی وزیر فواد چوہدری اور پاکستان تحریک انصاف (پی ٹی آئی) کے رہنما عامر کیانی کی پی ٹی آئی ترین گروپ سے ملاقات کی اندرونی کہانی سامنے آ گئی۔ ذرائع کے مطابق ترین گروپ نے فواد چوہدری کو وزیر اعلیٰ کی جانب سے کیے گئےوعدوں سے آگاہ کیا اور مطالبات کی منظوری کی گارنٹی مانگی۔قومی موقر نامے امت کے مطابق

پی ٹی آئی ترین گروپ نے کہا کہ وزیر اعظم کو بتائیں کہ ہمارے حلقوں کے مسائل ہیں، عوام ہم سے توقعات رکھتے ہیں۔ ذرائع کے مطابق انہوں نے کہا کہ ہم وزیر اعظم کیساتھ کھڑے ہیں، ترین کیخلاف رپورٹ آئی تو راستے جدا کر لیں گے۔ان کا کہنا تھا کہ جو کرپٹ ہے اسکو پکڑیں لیکن ہمارے مسائل تو حل کریں۔ذرائع کے مطابق انہوں نے مطالبہ کیا کہ فیصل واوڈا جیسے وزرا کو بیان بازی سے روکیں، باتیں ہمیں بھی بہت آتی ہیں۔ اس موقع پر فواد چوہدری نے کہا کہ آپ کے مسائل سے متعلق وزیراعظم عمران خان کو آگاہ کروں گا۔انہوں نے کہا کہ عامر کیانی اور سیف اللہ نیازی پنجاب کے معاملات پر نظر رکھیں گے، تلخ جملوں سے اجتناب کرنا چاہیے۔وفاقی وزیر اطلاعات فواد چوہدری نے کہا ہے کہ نوازشریف ، مریم اور داماد کا اسرائیلی جارحیت پر کوئی بیان نہیں آیا ،خاموشی کا سبب بیرون ملک اربوں کی جائیدادیں ہیں۔ ٹوئٹر پر اپنے بیان میں انہوںنے کہاکہ نواز شریف ہر معاملے پر اپنی رائے کااظہار کرتے ہیں، نواز شریف حکومت پر تنقید کا کوئی موقع نہیں جانے دیتے لیکن فلسطین پر اسرائیلی جارحیت ظلم،تشدد اور استبدادی رویے پر ان کا کا کوئی بیان نہیں آیا۔ وزیراطلاعات نے کہاکہ حتیٰ کہ ان کی بیٹی اور داماد کا بھی کوئی بیان سامنے نہیں آیا، اس خاموشی کا سبب بیرون ملک اربوں روپے کی جائیدادیں ہیں