چکوال(مانیٹرنگ ڈیسک)ضمنی انتخابات سے قبل پاکستان مسلم لیگ ن کو بڑا دھچکا لگ گیا ، اہم ترین رہنما نے دستبرداری کا اعلان کر دیا ۔ تفصیلات کے مطابق مسلم لیگ ن کے رہنما فیض ٹمن اور این اے 65چکوال سے مسلم لیگ ق کے امیدوار چوہدری شجاعت کے صاحبزادے سالک حسین کے حق میں دستبردار ہونے کا اعلان کر دیا ۔ یاد رہے کہ عام انتخابات میں2018میں چوہدری پرویز الہٰی نے

این اے 65سے 157497ووٹ حاصل کر کے نمایاں کامیابی حاصل کی تھی جسے چوہدری پرویز الہٰی نے اسپیکر پنجاب اسمبلی منتخب ہونے کے بعد چھوڑ دیا تھا ۔ ضمنی انتخابات میں مسلم لیگ ق نے چوہدری شجاعت حسین کے بیٹے سالک حسین کو این اے 65سے کھڑا کیا ہے جس کے مدمقابل مسلم لیگ ن نے اپنا امیدوار فیض ٹمن اتارا تھا تاہم ن لیگی رہنما نے ق لیگی رہنما کے حق میں دستبردار ہونے کا اعلان کر دیا ہے ۔