اسلام آباد(مانیٹرنگ ڈیسک) لمبی اور صحت مند زندگی گزارنے کیلئے وزن اٹھانے کو اپنی عادت اپنالیں۔ مشی گن یونیورسٹی کی تحقیق میں بتایا گیا کہ جن لوگوں کے مسلز دیگر کے مقابلے میں مضبوط ہوتے ہیں، ان میں لمبی عمر کا امکان کمزور ساتھیوں کے مقابلے میں زیادہ ہوتا ہے۔ تحقیق کے مطابق زندگی میں مسلز بنانے والی ورزشوں کو اپنانے میں کبھی تاخیر نہیں ہوتی بلکہ یہ معمر افراد کے لیے بہت اہم ہے کہ وہ اس طرح کے ورک آﺅٹ کو اپنے
معمولات کا حصہ بنائیں۔ تاہم ایسا ممکن نہیں تو بھی فکر مند مت ہوں، درحقیقت مسلز کا حجم نہیں بلکہ اس کی مضبوطی لمبی زندگی کے لیے ضروری ہے۔ نئی تحقیق میں مزید بتایا گیا کہ عام ورزشوں کے ساتھ وزن اٹھانے کی عادت کو اپنانا بھی ضروری ہے۔ محققین کا کہنا تھا کہ مسلز کی مضبوطی کو برقرار رکھنا خصوصاً درمیانی عمر میں لمبی عمر اور صحت مند بڑھاپے کے لیے بہت اہمیت رکھتا ہے اور اس حوالے سے سب سے اہم،اپنے ہاتھوں کو مضبوط بنانا ہوگا۔
