اسلام آباد(مانیٹرنگ ڈیسک) نکلوں یہاں سے باہر، سابق اراکین اسمبلی سے پارلیمنٹ لاجز خالی کرانے کیلئے سی ڈی اے کا آپریشن ، لاجز خالی نہ کرنے والے 52سابق اراکین پارلیمنٹ کے کمروں کے تالے توڑ دئیے گئے۔ نجی ٹی وی رپورٹ کے مطابق سابق پارلیمنٹیرینز سے پارلیمنٹ لاجز خالی کرانے کے لیے سی ڈی اے کا آپریشن جاری ہے۔پارلیمنٹ لاجز خالی نہ کرنے والوں میں 52 سابق پارلیمنٹیرینز شامل ہیں جن میں طلال چوہدری،
ڈاکٹر فاروق ستار، پیر امین الحسنات، ظفر اللہ جمالی، میجر (ر) طاہر اقبال، بلال ورک، مولانا امیر زمان، راجہ مطلوب مہدی، شیزہ فاطمہ، شیخ صلاح الدین، زین الٰہی اور شیخ آفتاب سمیت دیگر کے نام ہیں۔فہرست کے مطابق 52 پارلیمنٹیرینز نے لاجز پر قبضہ کررکھا ہے اور نوٹسز کے باوجود رہائش گاہوں کو خالی نہیں کیا گیا جس کے بعد سی ڈی اے نے آپریشن کا فیصلہ کیا۔پارلیمنٹ لاجز میں آج صبح سے علاقہ مجسٹریٹ کی نگرانی میں سی ڈی اے کا آپریشن جاری ہے جس میں پولیس بھی شامل ہے۔سی ڈی اے کے عملے نے آپریشن کے دوران کئی سابق ارکان کے کمروں کے تالے توڑ دیئے۔ذرائع کے مطابق سی ڈی اے اہلکار جب ان لاجز میں داخل ہوئے تو وہاں موجود سامان میں فرنیچر اور برتنوں کے ساتھ ساتھ کچھ ایسی چیزیں بھی شامل تھیں جن کو دیکھ کر اہلکار حیران رہ گئے۔ ذرائع کے مطابق ان میں انتہائی قیمتی گلدان اور چند ایسی چیزیں ہیں جن کو میڈیا سے چھپایا جا رہا ہے۔واضح رہے کہ پارلیمنٹ لاجز میں ان اراکین اسمبلی کو لاجز الاٹ کئے جاتے ہیں جو کہ ملک کے دور دراز کے علاقوں سے منتخب ہو کر قومی اسمبلی پہنچتےہیں اور ان کو یہاں رہائش رکھنے کیلئے لاجز الاٹ کئے جاتے ہیں جبکہ منسٹر کالونی میں کابینہ اراکین کی رہائش گاہیں ہوتی ہیں جبکہ سپیکر و ڈپٹی سپیکر قومی اسمبلی کی رہائش گاہیں بھی منسٹر انکلیو میں ہوتی ہیں
