مستونگ(آئی این پی)سانحہ مستونگ کا ایک اور زخمی دم توڑگیا،جس کے بعد شہید ہونے والے افراد کی تعداد 150 ہوگئی۔ذرائع کے مطابق،مستونگ میں سراج رئیسانی کی انتخابی مہم کے دوران ہونے والے خودکش حملے میں زخمی ہونے والا ایک اور نوجوان زخموں کی تاب نہ لاتے ہوئے چل بسا۔اس طرح سانحے میں شہید ہونے والے افراد کی تعداد 150ہوگئی،دم توڑ نے والا حافظ غلام رسول اسپتال میں زیرعلاج تھا۔واضح رہے کہ بلوچستان کے علاقے مستونگ میں ہونے والے

خودکش دھماکے میں درجنوں افراد موقع پر ہی شہید ہوگئے تھے۔ڈپٹی کمشنر مستونگ کے مطابق پی بی 58 کے امیدوار سراج رئیسانی انتخابی مہم کے سلسلے میں جلسہ گاہ پہنچے تھے کہ وہاں دھماکا ہوگیا۔اسپتال ذرائع کے مطابق نوابزادہ سراج رئیسانی سمیت 15افراد اسپتال پہنچتے ہی زخمی کی تاب نہ لاتے ہوئے دم توڑ گئے تھے۔بم ڈسپوزل اسکواڈ کے مطابق مستونگ میں ہونے والا دھماکا خودکش تھا،دھماکے میں 16 سے 20کلو دھماکا خیز مواد استعمال کیا گیا تھا۔