اسلام آباد(مانیٹرنگ ڈیسک)مریم نواز کو انکے شوہر کیپٹن(ر)صفدر نے ہی پھنسوایا جس کی وجہ سے انہیں 7سال قید ہوئی ،سینئر صحافی اور اینکر پرسن رؤف کلاسرا کا انکشاف،تفصیلات کے مطابق نجی ٹی وی پروگرام میں گفتگو کرتے ہوئے رؤ ف کلاسرا نے بتایاکہ ان کے قریبی دوست اور صحافی ستار خان نے انہیں ایک نقطہ بتایا کہ جس کی وجہ سے مریم نواز کو جیل ہوئی ۔ان کے مطابق کیپٹن(ر)صفدر نے جے آئی ٹی کے سامنے جو جواب دیا ہے۔ اس سے مریم نوا زپھنسی۔
کیپٹن(ر)صفدر جب جے آئی ٹی کے سامنے پیش ہوئے توانہوں نے مریم نواز کی ٹرسٹ ڈیڈ ان کے سامنے رکھ دی جس پر یہ گواہ ہیں ۔انہوں نے کہہ ا آپ نے ٹرسٹ ڈیڈ سائن کی ہوئی ہے جس پر انہوں نے کہا کہ انہیں تو پتہ ہی نہیں پھر کہا کہ شاید 2007 میں ہوئی ہو جب کہ مریم نواز 2006کا کلیم کر رہی ہیں۔جے آئی ٹی کو وہیں سے اندازہ ہوا کہ گڑ بڑ ضرور ہے کوئی گھپلا کیا گیا ہے۔ مریم نواز کی ٹرسٹ ڈیڈ بوگس ہے۔ جس کے بعد تحقیقات کا آغاز ہوا۔
